Manipur: Kuki hmeichhe upa ber a thi

Manipur-a Kuki Co­mmunity-a hmeichhe upa ber nia hriat, Letlhing Misao chu Thawhlehni khan Misao Lhahvom khuaa a chenna inah a thi.

Letlhing Misao hi kum 108 mi a ni a, Lok Sabha inthlan thawh khatna April 11-a neihah khan Chu­rachandpur District-a Misao Lhahvom khuaa 59/69 Polling Station-ah vote a thlak hman a ni.

Imphal Free Press chuan Misao hi 17th Lok Sabha Election 2019-a India ram chhunga vote thlaktu zinga kum upa ber zingah a tel niin an tarlang.

Letlhing Misao hi March 15, 1911 khan Tamenglong District, khatih hunlaia Laijang-a Khaochangbung thingtlang khuaa piang niin, kumin March 15 khan kum 108 a tling a ni. Fapa pathum, fanu panga leh tu 80 a kalsan a ni.