Indian Navy indo lawng thar 'Imphal'

Kar kalta Inrinni zing khan Indian Navy chuan Mazgaon Dock Ship­builders Ltd. yard-ah indo lawng thar Manipur state khawpui 'Imphal' hmingchawia siam, indigenously-design leh constructed guided missile destroyer ‘Imphal’ an tlangzarh.

Navy Chief Admiral Sunil Lanba nupui Reena Lanba chuan lawng hming hi a phuah nia tarlan niin lawng sipaite tihdan phung angin tlangzarhnaah hian coconut a sawh keh a ni. Lawng hi ton 3,037 zeta rit a nih thu tarlan a ni bawk.

Project 15B vessels hnuaia lawng siamchhuah pathumna niin 2015 khan ‘Vishakhapatnam’ tih hmingpu lawng leh 2016 khan ‘Murmagoa’ lawng te chu an lo tlangzarh tawh a, heng lawngte hi tunlai hmanraw thar ber ber hmanga thuam niin khawvel hmundanga an tlukpui lawngte nen pawh khaikhin tham tak an ni hlawm.

Indian Navy-a Directorate of Naval Design-te design niin metre 163-a sei a ni a, a beam pawh metre 17.4 zeta sei a ni bawk.Gas turbine pali a hmang a ni.

P15B destroyer-te hi design thar hmanga tlo tak tura thuam niin, heli­copter pawh pakhat aia tam ṭum theihna dah a ni a, transparent deck radar a hman avangin hmelma te tan pawh man fuh har tak tura duan a ni bawk.

Ralthuam changkang tak tak leh sensor changkang tak hmanga thuam ni bawkin, multi-functional surveillance radar-te leh vertically launched missile system-te pawh dah a nih thu defence official-te chuan an sawi.

Indo lawng pathum - ‘Vishakha­patnam’, ‘Murmogoa’ leh ‘Imphal’-te hi 2021 aṭangin Indian Navy chuan an commission dawn a ni.