OTPC-in Tripura-a unit dinna tur phalna hmu

ONGC-Tripura Power Company (OTPC) chuan Tripura-a unit pathumna dinna turin sorkar laipui aṭangin environmental clearance a hmu niin official chuan a sawi.

Hmarchhak biala gas-based power company lian ber hian Tripura-a Gomati district-ah facility pahnihn, MW 726 pe chhuak thei a nei tawh a ni. Unit pathumna siam tur hian power MW 363 a siam chhuak thei dawn niin OTPC managing director SC Namboodiripad chuan a tarlang.

Namboodiripad chuan, "Ni khatah gas cubic meter makta­duai 1.5 kan mamawh a, hemi chungchangah hian inbiakna neih mek a ni. He project hi tluang taka kalpui a nih ngei kan ring a, environmental clearance pawh kan nei tawh a ni," a ti.

He company hian hmar­chhak state dang leh Bangladesh ram hnena power pe chhaw­ngin, kum 2020-21 khan cheng vaibelchhe 150 chuang a lalut niin Namboodiripad chuan a sawi bawk.