AP Congress-in Mitthi vote thlak 37 awm tih sawi

Arunachal Pradesh Nyapin Assembly seat-a Congress candidate, Tai Nikio chuan Pating leh Checki thingtlang khuaa polling station-ahte chuan April 11-a inthlana vote thlak tur khan BJP chuan mitthi 37 an kaitho leh tih a sawi.

Nyobia circle-ah chuan EVM pawh tih­chingpen a ni maithei tih sawiin he biala booth parukah chuan CCTV camera dah a ni lo tih a sawi bawk.

Tai Nikio chuan mitthi hminga vote thlak awm chungchangah hian Chief Electoral Officer hnenah complaint an thehlut tih sawiin inthlan dan bawhchhiat chungchangah pawh FIR an thehlut tih a sawi a ni.

An polling agent ṭhenkhat chu polling station-a luh phalsak an nih lo thu sawiin, ṭhen­khat chu rukbo leh sawi­sak te an ni bawk tih a sawi. An polling agent pakhat Bamang Jarjo chu nasa taka sawisak a ni tih a sawi bawk.

Arunachal Pradesh hian April 11 khan Lok Sabha inthlan leh state assembly inthlan an hmachhawn rual a, state assembly inthlanah hian BJP chuan seat thumah chuhpuitu awm loin hneh­na an chang a ni.