Tripura: Inthlan buaipuitu mi 6 man

Election Commission chuan inthlan buaipuitu dik lo taka che te leh inkaihhruaina dan bawhchhiate laka hremna lekkawh hna chu an ṭan a, Tripura-a inthlan thawh khatna neihnaa inthlan buaipuitu mi paruk an man.

West Tripura Lok Sabha seat-ah hian April 11 khan inthlanna neih a ni.

Webcasting leh CCTV aṭanga finfiahna an neih te aṭangin heng mi parukte hi an man a, an mi man te chu Gourab saha ( Micro Observer), Sambhu Nath Chowdhury (polling officer), Ratnajit Dey (Presiding Officer), Anukul Dutta (Cameraman), Shankar Majumder (polling officer) leh Sukumar Shil (polling officer) te an nih thu tarlan a ni. Shanti Bazar police-te man an nih thu tarlan a ni bawk.

Mahse an mi man te hi a hnuah bail-a chhuahtir leh rih an ni thung.

An man zinga panga hi 35 – Belonia assembly constituency hnuaia 3550 polling station( Sunar Tilla High School) a duty-te vek an ni.

Anni bakah hian BJP polling agent pahnih- Babul Bhowmik leh Sujit Shil-te pawh inthlan thawh khatna neih laia dik lo taka an chet avangin man an ni bawk.