UN Global Platform-ah Manipur naupangin thu sawi dawn

May 13 aṭanga 17 inkara neih tur, United Nations Global Plat­form for Disaster Risks Reduction 2019, 6th Session-ah Manipur hmei­chhe naupang, kum 7 mi Licypriya Kangujam chuan thu a sawi dawn.

Global Platform for Disaster Risks Reduction 2019 hi United Nations Headquarters, Geneva, Switzerland-ah neih a ni dawn a, theme atan “Resilience Dividend: Towards Sustainable and Inclusive Societies” hman a ni dawn bawk.

Licypriya Kangujam hi pawl 2 zirlai a ni a, UN Office for Disaster Risk Reduction (UNISDR) leh Switzerland sorkarin an buatsaih programme-ah hian sawm zinga naupang ber a ni.

Asia leh Pacific-a naupangte leh ṭhalaite ai a awh dawn a, tunah hian International Youth Committee (IYC)-ah Child Disaster Risks Reduction Advocate angin a thawk mek a ni.

UN Global Platform for Disaster Risks Reduction 2019-ah hian ram 140 aṭangin mi 3,000 vel an kal­khawm beisei a ni.