Meghalaya: COMSO in state pumah ILP kalpui ngiat

Meghalaya-a social organisation hrang hrang inhlawm khawm Confede­ration of Meghalaya Social Organisation (COMSO) chuan state puma Inner Line Permit (ILP) kalpui ngiatin Thawhlehni khan nawrh an huaihawt.

COMSO chuan NPP kaihhruai MDA sorkar chu Eastern Bengal Frontier Regulation, 1873-a tarlan angin ILP chungchanga an dinhmun tichiang turin an ti a ni.

Chief Minister Conrad K Sangma leh Deputy Chief Minister Prestone Tynsong-te thuchhuah siam chuan a tibuai hle tih sawiin HYC general secretary Roy Kupar Synrem chuan CM in ILP chu issue a siam tur a ni lo a tih laiin Dy. CM in Meghalaya Resident Safety and Security Act, 2016-a ruahmanna siam angin ILP kalpui turin sorkar chu an inpeih tih a sawi leh bawk si tih a sawi.

COMSO hian ILP kalpui ngiat hian kawng dungah flag dum te an zar a ni.

Roy Kupar Synrem chuan an duh ber chu state puma ILP kalpui a nih thu sawiin, CM chu MDA cabinet meeting ko a ILP kalpui a nih tur leh tur lohah thutlukna siam tura an duh thu a sawi bawk.