Manipur: Oil, LPG tanker-te nuar

Oil tanker leh bullet tanker (bulk LPG phurtu) driver-te chuan Thawhṭanni aṭang khan nawrh huaihawtin state chhungah petrol leh a kaihhnawih phurh luh an titawp.

Driver-te hian All Manipur Petroleum Tankers’ and Drivers’ Union (AMPTDU) presi­dent Bhupenchandra Gosh lakah dan anga action lak an ngiat a ni.

Nawrh hi All Manipur Petroleum Products Dri­vers Association (AMPPDA) leh All Ma­nipur Road Transport Motor Workers Union (AMRTMWU)-te kaih­hruaina hnuaia neih niin Imphal-a Mantripukhri-a NH-2 kawngsirah oil tanker leh bullet tanker 200 vel chu an ding nia tarlan a ni bawk.

AMPPDA general secretary Mukta Nongbri chuan AMPTDU president nia inpuang Bhupendrachandra Gosh chu dan ang taka hremna pek an phut tih sawiin AMPTDU chu pawl thi tawh an nih thu leh Bhupenchandra chuan pawl office hming chu a mimal hlawkna hmuhna atan hman a tum tih a sawi. Gosh hian Nagaland leh Manipur police-te hnenah, DGP level-ah complaint a thehlut niin a sawi.

Hemi a nih avang hian driver-te chuan Nagaland paltlang chu an hreh tih sawiin, tih khawtlai leh man an hlauh phah tih a sawi bawk.