AP leh Assam-ah lir a nghing

Nimin zingkar hma takah khan Arunachal Pradesh, Assam leh China ramri hmun ṭhenkhat, Tibet leh Myan­mar-ah te chuan magnitude of 6.1-a na in lir a nghing niin US Geological Survey (USGS) chuan a tarlang.

Lirnghing hian chhiatna a thlen report erawh a awm lo thung a, USGS chuan lirnghing inṭanna hmun hi Dibrugarh khaw hmarthlang lam km 114 velah a nih thu sawiin, leihnuai km 9 vela thuk aṭanga rawn inṭan a nih thu a sawi bawk.

India Meteorological Department pawhin thuchhuah siamin Nilaini zing dar 1.45 velah khan magnitude 5.8-a na in Arunachal Pradesh hmun ṭhen­khatah lir a nghing tih a sawi thung a, leihnuai km 10 vel aṭanga inṭan a nih thu tarlangin West Siang district-ah a epicentre a awm tih a sawi thung a ni.

China news agency Xinhua pawhin Tibet hmun ṭhenkhat aṭang pawhin lirnghing hi a hriat theih thu a tarlang ve bawk.