Covid-19 chungchang thu dik lo post-tu thubuai siamsak
Arunachal Pradesh police-te chuan Facebook-a coronavirus, Covid-19 chungchanga thu dik tawk lo post-tu, East Siang district ami Subu Kena Tsering chu thubuai an siamsak.
Tsering hian kar liam ta khan Facebook group pakhatah coronavirus leng mek chuan Pasighat a thleng tawh a, dam lo pahnih chu Assam-a Dibrugarh-ah thawn an ni tih a ziak a ni. A thu post avang hian district medical officer Kaling Dai chuan Pasighat police station-ah complaint a thehlut a, Tsering hi thubuai siamsak a ni ta a ni.