Assam: Karimganj leh Diphu-ah inthlang ṭha

Assam-a Karimganj leh Autonomous District Lok Sabha constituency-a polling station pangaah Nilaini khan inthlan ṭhat buatsaih a ni a, zing dar 7 aṭanga tlai dar 5 thleng vote thlak hun hawn a ni.

Karimganj-a polling station pali-ah inthlan ṭhatna hi neih a ni a, Auto­nomous District-a station pakhatah neih a ni bawk. Karimganj Deputy Commissioner M S Manivannan chuan an bial chhunga polling station pali-ah chuan inthlanna muanawm tak an neih thu a sawi a, Autonomous District constituency-a station pakhat, Diphu-a inthlan ṭhatna neih pawh tluang taka zawh a nih thu tarlan a ni.

Karimganj-ah hian vote 67.25% tla in Au­tonomous District-a Diphu-a inthlan ṭhatna neihnaah hian vote 70.78% a tla bawk. The Assam Tribune chuan kumin Assam Lok Sabha inthlana vote tla chu 81.52% a tlin tawh thu tarlangin Assam in Lok Sabha inthlan an hmachhawn tawha vote tlak ṭhat ber record an siam thu an tarlang a ni.

Assam-ah hian Lok Sabha inthlan hi thawh thumah neih niin, April 11, 18 leh 23-ah khan neih a ni. Hmarchhak-ah chuan seat nei tam ber an ni a, seat 14 an nei a ni.