Assam CM hluiin CJI thlavang hauh

Mipat hmeichhiatna lam hawia mawi lo taka chea puh Chief Justice Ranjan Gogoi chu mi tam takin dem mah se Assam Chief Minister hlui leh Congress hruaitu hlun tak Tarun Gogoi chuan CJI Ranjan Gogoi chu a thlawp tih a sawi.

Tarun Gogoi chuan CJI office ṭhendarh tumna a nih thu sawiin chutiang thil chu thlentir an phal ngai dawn lo tih a sawi. Judiciary zalenna chu democracy-ah chuan thil pawimawh tak a nih thu sawiin CJI office zahawmna chu humhim a ngai tih a sawi a ni.

Gogoi chuan a twitter-ah thudik hriat a nih theihna turin thil awmdan chu chhui an duh tih sawiin, hun lo kal leh zel turah a thlen nawn tawh lohna turin thil awm dan dik tak chu hailan a ngai tih a sawi.

Supreme Court chuan Nilaini khan CBI director, Delhi police commissioner leh Intelligence Bureau director te chu CJI puhna chungchanga hma lak dan tur sawiho turin court-ah a ko tawh a ni.

Finance Minister, Arun Jaitley pawhin Ranjan Gogoi chu a thlawp tih a lo sawi tawh bawk.

April 20 khan Supreme Court-a thawk ṭhin, hmeichhe pakhat chuan CJI hi a lakah mipat hmeichhiat lam hawia mawi lo taka cheah a puh a, hei hi online lamah thehdarh zui a ni.