AP-a Dibang Valley-ah bailey bridge a chim

Arunachal Pradesh-a Dibang Valley-a Dri lui chunga bailey bridge chu Thawhlehni khan a chim a, heivang hian Indo-Sino border bula Anini khua chu kalpawh theih lohin a awm.

Dri luia bailey bridge dawh hi Roing leh Anini inkalpawhna pawimawh tak niin, Indo-Sino borde-a sipai awmte pawh mamawh chawk luhna kawng atana an hman a ni.

Dibang Valley deputy commissioner Minga Sherpa chuan lei chim vang hian Anini khua chu motor-a tlawh pawh theih lohin a awm mek tih a sawi a, mahse district thuneitute chuan Etabe kaltlangin kawng dang hman theih tur an buatsaih dawn tih a sawi.