China-in India-a AP leh J&K telhna map paih
China chuan Inrinni khan Belt and Road Initiative (BRI) Forum website-a India ram china Arunachal Pradesh leh Jammu & Kashmir telhna map chu an wesite aṭangin an paih.
Belt and Road Initiative Summit vawi hnihna chu Ningani liam ta khan Beijing-ah neih a ni a, ET report in an tarlan dan chuan Zirtawpni khan China chuan BRI route lanna map tichhuakin, he map-ah hian Jammu & Kashmir pum leh Arunachal Pradesh chu India ramah a tel a ni. Chu map-ah chuan mak tak maiin BRI zinga telah India chu tarlan a ni a, India hian BRI summit hi ṭum hnih lai a boycott tawh bawk si avangin mak tih a hlawh hle.
Tunhnai lawkah China in India map-a Arunachal Pradesh rinhluh telna map tam tak a tihchhiat bawk si avangin mak tih a hlawh zual hle a, mahse China hian Inrinni khan wesite aṭangin map hi a paih leh a ni.
China hian Arunachal Pradesh hi a ram chinah chhiarin “Southern Tibet” huamchhungah an chhiar tel a, India ram hruaituten Arunachal an tlawh pawh a sawisel fo nghe nghe.
Belt and Road Initiative hi China sorkar in a kalpui, development strategy a ni a, ram hrang hrang 152 zeta infrastucture development leh investment kalpui tumna a ni. 'Belt' tih hian lirthei leh rel hmanga inkalpawhna kawk berin 'Silk Road Economic Belt' tih ṭhin a ni a, 'Road' hian sea route a kawk ber thung.