Hmarchhak mi, Catalina Channel hleuh tum hmasa ber Elvis

Assam mi, International swimmer Elvis Ali Hazarika chuan Catalina Channel hleuh kai a tum tih Inrinni khan a sawi a, hmarchhak aṭanga Catalina Channel hleuh kai tura hma la hmasa ber a ni.

Nikuma Karbi Anglong-a Assam tlangval pahnih mipuiin an sawisak hlum tak Nilutpol Das leh Abhijeet Nath-te tan Catalina Channel a hleuh kaina chu hlan a tum tih a sawi bawk.

Elvis hian Inrinni khan USA aṭanga ṭanin Mexico thleng tui chu a hleuh dawn tih sawiin, mel 20 zeta thui a nih thu a sawi. Kumin August 15 hian Catalina Channel hleuh tur chuan ruahmanna a siam tih sawiin, West Bengal mi Rimo Saha nen an hleuh dun dawn niin a sawi a ni.

Elvis Ali Hazarika hian channel lar tak tak- km 34 zeta thui English Channel-te, km 32-a thui Catalina thliarkar leh Southern California inkar tuipui te leh km 45 zeta thui Manhattan Island te pawh helkual in tui a hleuh tawh a ni. Elvis hian national medal 68 leh international medal 6 a la tawh bawk.