Residents Safety Act siamṭhat rawtna Meghalaya Cabinet in ngaihtuah dawn

Meghalaya Chief Minister Conrad K Sangma chuan tunkar chhung hian Residents Safety Act siamṭhat rawtna awm chung chang ngaihtuah turin state cabinet meeting neih a ni dawn tih a sawi.

Eptu party Congress in ILP leh MRSSA Act, 2016 chungchanga state sorkar dinna dik tak tichiang tura an nawr chungchang pawh chhangin, hei pawh hi cabinet meetingin a ngaihtuah dawn thu leh, hmalak zel dan tur an tichiang dawn tih a sawi bawk.

Conrad K Sangma chuan mipuite duhdan humhim leh kalpui chu MDA sorkar thil tum lian ber a ni tih sawiin, sorkar pawh mipuite duhdan tihlawhtling turin theihtawpin a thawk tih a sawi a ni.

Residents Safety Act siamṭha tura nawrna hi awm nasa hle mah se Dy. Chief Minister Prestone Tynsong chuan hemi chungchanga special session neih hi ṭul a tih loh thu a lo sawi tawh thung.

Tynsong chuan Me­ghalaya Resident Safety and Security Act, 2016 chu ordinance in siam-

ṭhat mai theih a nih thu leh, a hnuah ordinance chu Assembly session-ah nemngheh leh theih a nih thu a sawi a ni. Mahse CM berin hemi chungchangah hian meeting an nei dawn tih a sawi leh thung si a ni.