Imphal-ah bomb eng emaw zat hmuchhuak

Manipur state khawpui Imphal khawthlang lamah chuan school leh mihring chenna hmun ṭhenkhat bulah bomb eng emaw zat hmuhchhuah a nih thu police-te chuan an sawi.

Imphal West district police-te chuan hma la nghalin chhiatna a thlen lohna turin Imphal West area chu ngawrh takin an dap nghal. Police-te chuan bomb an hmuhchhuah te chu an sut nghal tih an sawi a ni.

Kar liamta Thawhṭanni khan Manipur Moun­taineering Trek­king Asso­ciation bula Khuman Lampak kawng­puia grenade pahnih puakah mi pakhatin hliam a tuar a, kar hmasaah vek khan missionary school gate bulah grenade hmuh a ni bawk.

Imphal Free Press in an tarlan dan chuan eng pawl mahin bomb chu an kam a nih thu an la sawi loh bakah kar liamtaa bomb puak pawh an tihpuah a nih thu sawi an la awm lo. Hetihlai hian school bula bomb chhar erawh KCP (MC) chuan an dah a nih thu an sawi tawh thung.

Imphal West district commando leh City police-te chuan Inrinni khan Thangal Bazar area-a M.G. Avenue, Ma­jor­khul, Kalibari leh Ho­tel Nongin-te an dap a ni.