Tripura CM in a campaign tur dangah WB sorkar puh

Tripura Chief Minister Biplab Kumar Deb chuan Pathianni khan West Bengal-a Trinamool Cong­ress sorkar chu a elec­tion campaign dangah a puh.

Biplab Kumar Deb chuan Trinamool Cong­ress chuan Elec­tion Co­mmission inkaih­hruaina an zawm lo tih sawiin Bishnupur (Bankura district, West Bengal)-a roadshow a buatsaih tur an phalsak lo tih a sawi. State thuneitute chuan a campaign loh­na turin buaina an siam chawp niin a sawi bawk.

Bharatiya Janata Party (BJP) Tripura Pradesh President hian ni nga chhung West Bengal-ah cam­­paign a nei a, rally hrang hrangah thu a sawi a ni.

Chief Minister Kumar Deb chuan West Bengal mi­puite chuan Trinamool Congress thuneihna chu an ning tawh hle tih a sawi bawk.

Tripura West Lok Sabha constituency-a eptu party pahnih CPI-M leh Congress ten inthlan ṭhat buatsaih a nih loh chuan Supreme Court-ah an zualko dawn nia an sawi chungchang pawh sawiin court chuan mipuiin an thlawp miau loh chuan candidate te chakna turin a ṭanpui thei lo, a ti.