AP CM-in Trans-Arunachal Drive 2021 vai liam
Arunachal Pradesh chief minister Pema Khandu chuan Nilaini khan an state-a adventure tourism chawi larna tura hmalakna pakhat, Trans-Arunachal Drive 2021 chu Namsai aṭangin a vai liam.
Ni 12 awh tur, Trans-Arunachal Drive hi Namsai leh Tawang inkara Trans Arunachal highway-ah neih a ni dawn a, Dong leh Geku te an paltlang ang. He drive hi Mahinda Adventure bul tuma neih a ni. An tlanna tur hi km 2,500-a thui niin, April 18-ah Tawang-ah a hmawr an bawk ang.
PM Khandu chuan drive neihnaa telte chu lo lawmin, an trip chu an hlawkpui ngei leh, tourism sector lama an state theihna hrang hrang neite an hriatthiam phah ngei a beisei thu a sawi. Tawnhriat hlu tak tak an neih ngei a ring tih sawiin, trip zawh hnuah pawh an awmna hmun ṭheuhah Arunachal Pradesh tana ambassador ṭha tak an nih chhunzawm zel a duh tih a sawi bawk.
Trans-Arunachal Drive 2021 hi state department of tourism buatsaih niin, Motorsports Club of Arunachal in a buaipui thung. Trip hi Mahindra Adventure-in neiin, hemi atan hian adventure vehicle and service pawh Tyre & Industries Ltd leh sponsor-tu dangte nen an buatsaih a ni.