Tripura Cong. president thar atan Lal thlah

Congress president Rahul Gandhi chuan Tripura lal thlah zinga mi Pradyot Bikram Manikya Debbarman chu state Cong­ress president atan a ruat.

Pradyot Bikram Ma­nikya Debbarman hi kum 41 mi niin kum 2008 aṭang khan Congress hi a zawm a, Minister hlui Birajit Sinha a thlak a ni. Sinha hian January 2015 aṭang khan Congress hi a kaihruai a, tunah hian Debbarman hian a thlak ta a ni. Manikya Debbarman pa hi Kirit Bikram Kishore Manikya Debbarman niin a nu chu Bibhu Kumari Devi a ni a, a nu leh pate hi Lok Sabha member-te pawh an lo ni tawh ṭhin bawk.

Debbarman chuan a rang thei ang berin Rahul Gandhi leh central leh state hruai­tute a biak hnuah com­mittee hrang hrang a din dawn tih a sawi. Tripura inpumkhatna turin leh an party worker, kum upa leh naupang zawkte thleng pawha inlungrual taka hna an thawhho theihna turin a theihtawp a chhuah dawn tih a sawi a ni.