Shillong-ah Tribal animation film fest

North-Eastern Hill University (NEHU) hnuaia Department of Antropology leh Trust for Tribal Art Culture and Knowledge chuan North Eastern Council puihnain nimin aṭang khan Shillong-ah Tribal Animation Film Festival an buatsaih. He festival hian March 3 thleng a awh ang.

Department of Anthropology, NEHU-a post-doctoral fellow Dr Tara Douglas chuan ṭhangtharte chu digital platform-in an rilru a lakpen sak tawh avangin hnam culture leh tradition lam an ngaihven tawh lo a, hei vang hian ṭhangthar te rilru hipna atan thawnthu hluite chu animated film hmanga tarlan hi an tum tih a sawi. Mahse thawnthute hi ṭawngkaa inhrilh chhawn niin thui tak tak an ni a, hengte hi film tawitea siam chu thil harsa tak a nih thu a sawi bawk.