BSF leh BGP ten joint exercise zo ta

India leh Bangladesh border guard, BSF leh BGP-ten Tripura-a ni thum awh joint exercise an neih chu Ningani khan zawhfel a ni ta.

Joint exercise neih lai hian Border Guards Bangladesh (BGB) leh Border Security Force (BSF) sipaiten joint patrolling, anti-smuggling drill te an nei a, hei bakah hian international check post-ah bungrua leh mimal kaltlangte an enfiah bawk.

BSF Deputy Inspector General CL Belwa chuan thuchhuah siamin, ram pahnih border guard-te chuan he joint exercise hmang hian inṭhianṭhatna thuk zawk an siam tih a sawi. He exercise in a tum ber chu ramri leh a chhehvela ruihhlo leh pawikhawihna thleng ṭhin ven leh do letna kawnga thawhdunna ṭha zawk neih a nih thu a sawi. Joint exercise hi 'Mainamati Maitree Exercise 2019' tih vuah a ni.