Hi-tech surveillance syse hmangin Khawchhak lam ramri veng dawn
Border Security Force (BSF) official chuan India ram khawchhak lama Bangladesh ramri-te laser wall siam bak chu hi-tech surveillance system hmanga ven a ni dawn tih a sawi.
BSF Tripura Frontier Inspector General hlui, tuna Eastern Command-a awm Hemant Kumar Lohia chuan Comprehensive Integrated Border Management System (CIBMS) hnuaiah India-Bangladesh border-ah laser wall, sensors, closed circuit television, high-power camer bakah hi-tech surveillance system te hman a ni dawn tih a sawi.
Virtual fence tia sawi bawk, CIBMS hmang hian ramri chu - thlitleh, chhum zing leh ruahsur hnuaiah pawh venhim a ni thei dawn tih a sawi. CIBMS hi mihring tana kal harsa, hmun khawkhrawk leh lui dungah te a ṭangkai tur thu a sawi a ni. Ramri-ah pawh venhim ngai zual, Assam-a Dubri district leh Tripura hmun ṭhenkhatah hman hmasak niin, hei hian dan kalha ramri paltlang tumte leh ramri-a thil thleng ṭhinte venna kawngah nasa takin a pui dawn a ni, a ti.
Lohia chuan nikum September 17 khan Union Home Minister Rajnath Singh chuan CIBMS pilot project pahnih chu a tlangzarh thu sawiin, hei hi Jammu-a India-Pakistan border, km 5.5-a thui ve veah hman a nih thu a sawi.
Kum 2012 aṭang khan Home Ministry chuan border security-a high-tech solution hman hi a lo ngaihtuah tawh a, BSF pawhin ministry-ah hian CIBMS detailed report pawh a thehlut tawh a ni.