Union Minister-in Guwahati-ah project pariat hawng

Union Petroleum and Natural Gas Minister Dharmendra Pradhan chuan kar kalta Zirtawpni khan Guwahati-ah Oil and Gas project pariat a hawng.

Minister chuan South East Asia rama petroleum product thawnchhuahna kawngah Assam chu trading centre pawimawh tak a nih chhoh tur thu sawiin, Myanmar, Bhutan, Bangladesh leh Asia chhim chhak ram dangahte petrol leh diesel te thawnchhuah ala ni dawn a ni, a ti.

Kum nga chhungin Assam aṭangin tuialhthei tam zawk laihchhuah a ni dawn a, hei hian state economy pawh nasa takin a chawikang dawn a ni, a ti. Hmarchhak bialah gas tam tak a la awm a, heng lakchhuahna tur hian infractracture lama tihhmasawn a pawimawh thu a sawi.

"Assam hi natural resource lamah a hausa hle. Gas siamchhuah zat tipung tur chuan infracstructure ṭha kan mamawh a, hemi atan hian oil company-te pawh tha thawh turin kan sawm a ni," a ti.