Tripura Congress president tharin An party-a kir leh turin sawm

Tripura Congress president thar atana ruat, Pradyot Kishore De­bburman chuan Pa­thianni khan an party hruaitu hlui, Congress lo chhuahsan tawhte chu kir leh tura sawmin, zah taka lawmluh an ni ang, a ti.

Debburman hi Cong­ress national president Rahul Gandhi chuan February 25 khan Tri­pura Pradesh Congress Committee (TPCC) working president atan a ruat a ni.

Kar kalta Inrinni khan Debburman chuan an party aṭanga hnawhchhuah, chief minister hlui Samir Rajan Barman chu hmuin, kir leh turin a sawm. Kum 2017 March thlaa Congress party aṭanga hnawhchhuah a nih hnuah Barman hian eng party mah a zawm zui lo a ni. Debburman sawmna hi pawmin, Inrinni vek khan Congress ah hian a lut leh nghal a ni.

Kum 2016 khan he­tihlaia Pradesh Congress president Sudip Roy Barman hoin party hruaitu eng emaw zat chuan Trinamool Congress an zawm a, an hnuah BJP ah an lut zui leh a ni.

Congress hruaitu thar chuan an party mi leh sate chu an zah taka en vek an ni dawn tih a sawi a, hemi rual hian party tan rinawm leh dik taka thawk tura a beisei thu a sawi.