Tripura musician-in Vajpayee life time award dawng
Tripura-a tribal musician, mau aṭanga siam phenglawng chi khat 'Rosem' tum ṭhin, Thanga Darlong chu Tripura sorkar chuan Atal Bihari Vajpayee Life Time Award a hlan.
Tripura Deputy Chief Minister Jishnu Devvarma chuan kar kalta Ningani khan AB Vajpayee Life Time Achievement Award hmasa ber hi Agartala Book Fair neihnaah a hlan a ni. Kumin January thla khan kum 99 mi, tribal musician hi music field-a a thawh hlawk avangin Padma Shri award hlan a lo ni tawh bawk. Rosem hi Darlong hnam traditional musical instrument a ni.