Tripura : TTAADC inthlanah TIPRA chak

Tripura Tribal Areas Autonomous District Council (TTAADC) inthlan neih zawh takah Pradyot Kishore Deb Barman kaihhruai Tipraha Indigenous Progressive Regional Alliance (TIPRA) chuan hnehna an chang.

April 6-a seat 28 awmna, TTAADC inthlan result hi official-a puan la ni lo mah se, TIPRA hian seat 18 a la a, party malin sorkarna an siam thei dawn tih a chiang tawh a ni.

TIPRA chairman Pradyot Kishore Deb Barman chuan hnehna an chang chu lawmawm a tih thu a sawi a, vawiinah an hnehna chan lawmna pualin rally buatsaih an tum tih a sawi.

Barman chuan an party mite chu party dang office leh worker-te bei lo turin a chah nghal a, inpumkhatna siam turin boruak ṭha leh muanawm an siam a ngai tiin, heng party worker-te pawh hian an party hi an la zawm duh ngei dawn niin a sawi bawk.

Deb Barman hi Tripura Cognress president hlui a ni a, kum 2019 September thla khan party high command nena an ngaihdan inmil loh vangin Congress hi a chhuahsan a, a hnuah TIPRA hi social organisation angin a din a, kum 2020 khan political party-ah an let a ni.