Naga peace pack ziah theih reng tawh : Report

Deputy National Security Adviser leh Prime Minister special envoy for the Naga peace talks, R.N. Ravi chuan nimin khan Dimapur a thleng niin thulakna chuan a tarlang a, ni hnih awm leh turah Kohimna tlawhin Naga peace talk hmawrbawkna tur chungchang ngaihtuah a ni dawn tih an tarlang.

Report chuan Naga group-te chuan inhawng takin inremna ziah hun chu an nghak reng tih leh eng hunah pawh Naga peace pack chu ziah theih reng a ni tawh tih a tarlang a ni.

Home Minister Rajnath Singh chuan nimin khan Assam a tlawh a, Naga remna zawnga inbiakna kawngah pawh hian hmalakna a nei maithei nia sawi a ni bawk. Thulakna chuan sorkar chu Naga Flag pan-Naga cultural body atana pawm inring reng an nih tawh thu tarlangin, inremna pawh chu “Naga Constitution” tia vuah an inpeih reng tih an tarlang a ni.

R.N. Ravi pawh hian tunhnaia interview-ah Naga peace talk chu a hmawr bawk theih reng a ni tawh tih a sawi ve bawk. Naga politics buaina vang hian NSCN-IM leh India sorkar chuan inbiak­na kum 20 chuang an kalpui tawh a, inremna an siam tur hi a hmawr an bawk hleithei lo a ni. Nikum hmasaa Horn Bill festival hawnaah khan President Ram Nath Kovind chuan inremna chu a hmawr bawk a ni ṭep tawh tih sawi mah se vawiin thleng hian inremna hi an la siam thei lo a ni.