ST list-a Meitei telh ngiat hi Thil awm tak a ni: Manipur CM

Manipur Chief Mi­nis­ter N Biren Singh chuan Thawhṭanni khan Assembly-ah Meitei/Meetei community-te Sche­duled Tribe (ST) list-a telh ngiat mek chu thil awm tak a nih thu a sawi.

N Biren Singh chuan thil ngiat awm tak a nih thu a sawi bakah hian state sorkar chuan hma an la mek tih a sawi a ni.

Department of Infor­mation and Public Relations in thuchhuah an siamah CM Biren Singh chuan state chhunga ram neitute chuan harsatna an tawk mek a, ST ngiat pawh chu ram neitute humhimna tur a ni tih a sawi thu tarlan a ni bawk.

ST list-a telh ngiatna chu sorkar hmasa hunlai pawh khan a awm tawh tih sawiin, Manipur State Commission for the Schedule Tribe Act, 2014 chu State Gazette-ah March 27, 2014 khan hriattir an ni tawh tih a sawi.

Hemi kawngah hian Ministry of Home Affairs nena inbiakna nei mek Ministry of Tribal Affairs-te chuan hma an la tih a sawi a ni.