NPP in Assam unit hawng

Meghalaya Chief Minister Conrad Sangma kaihhruai National People’s Party (NPP) chuan hmarchhaka Lok Sabha seat awm zawng zawng, seat 25-ah candidate siam tuma hma la in hmarchhakah an huang zauh zel an tum. Hemi kawnga an hmalakna pakhat atan nimin khan NPP Assam State Unit an hawng.

NPP Assam state office hi 1st Floor, Aashi Grande, Jatiya Road, Kahilipara-a awm niin nimin chhun dar 1-ah khan hawn a ni.

He thu ziah lai hian report kimchang erawh hriat hman a ni lo thung.

Nimin chawhnu dar 1:30 aṭanga tlai dar 5 thleng khan Dispur Press Club-ah Conrad Sangma (Meghalaya CM leh party President), James Sangma (Home Minister, Meghalaya), Thomas Sangma (Meghalaya MLA), Vikram Raj Wangkhem (General Secretary, NPP) leh Assam Convenor Dilip Bora-te chuan party official meeting an nei nghal bawk rin a ni.

Assam NPP convenor atan hian Dilip Kumar Borah hi tunhnai lawk khan ruat a ni bawk.