KMSS hotuin ni thum chhunga ST status pek phut

Krishak Mukti Sang­ram Samiti (KMSS) Chief Akhil Gogoi chuan Thawhlehni khan sorkar laipui chu ni thum chhunga Assam-a Community parukte hnenah ST status pe turin a phut a, March 8-ah chuan pe hman turin a ti.

Media mite hmaa thu a sawinaah Akhil Gogoi chuan BJP hruaituten state chhunga ram neitute duhdan chu humhim a ni dawn tih an sawi thu leh, Assam accord clause 6 hmanga humhim an tum thu sawi mah se tunah chuan an ngawi reng tih a sawi.

Assam-a ram neitu co­m­munity parukte hnen­ah ST status pek tura ruahmanna awm chungchangah zawhna siamin March 8-ah chuan ST status chu pe ngei tura a phut thu a sawi a ni.

Gogoi chuan, "Modi-an Assamese commu­nity-te chu kum nga chhung a bum tawh. Modi rorelna hnuaiah firfiak kutah jawan thi an pung a ni. Himanta Biswa Sarma chuan chi inthliarna zawngin thu a sawi a; sorkarin a chungah hremna a lekkawh tur a ni," a ti bawk.

BJP sorkar chu ram neitute puihnain sorkarna siam an nih thu sawi bawkin an tihdan phung humhim an tiam vang a nih thu sawiin, tunah erawh an thutiam an theihnghilh ta nia a lan thu a sawi a ni.