Sikkim CM in state life expectancy kum 100 nihtir tum
Sikkim Chief Minister leh Sikkim Democratic Front (SDF) chief Pawan Chamling chuan an sorkar chuan state mipuite dam chen tur china beisei (life expectancy) chu kum 100-a nih theihna turin hma a la mek tih a sawi.
Pawan Chamling chuan hydel power aṭang chauhin cheng tluklehdingawn 2000 lakluh an tum tih a sawi bawk. CM Pawan Chaming chuan Pathianni khan assembly inthlan neih tur atana an party campaign hawngin, minute 250 zet thu a sawi a ni. Pathianni kha an party SDF foundation day a ni bawk a ni.
Pawan Chamling chuan an state life expectancy chu kum 71 a nih thu sawiin 1994-a sorkarna an chan ṭan kha chuan kum 60 a nih thu a sawi. Kum 25 ro an rel chhungin life expectancy chu kum 11-ah a pun thu sawiin Sikkimese-te life expectance kum 100 nihtir chu an tum a nih thu a sawi.
Chamling chuan kum 25 kaltaah kkhan chuan an SDP chu cheng vaibelchhe 440 a nih thu sawiin tunah chuan cheng vaibelchhe 23,000 a nih tawh tih a sawi a, Sikkim hmasawnna chu 5000% in a pung tih a sawi bawk.
A kaihhruai sorkar chuan hydropower project tihhmasawn chu an tum tih sawiin kum khatah cheng vaibelchhe nuai hnih lakluh an tum tih a sawi a ni.