Assam: Diam Hasao-ah Section 144 puang

Assam-a Dima Hasao district-ah chuan CrPc Section 144 puan a ni a, hei hi pawl ṭhenkhatin an thil phut tihhlawhtlina a awm loh avanga lungawi lohna lantir an tum vang nia tarlan a ni.

Dima Hasao District Magistrate chuan Nilaini khan Indigenous Students’ Forum (ISF) leh Indigenous Women Forum (IWF)-ten March 7 zing dar 5 aṭanga tiam chin awm loa rel kawng dan an tum thu an puan hnuah Section 144 hi a puang. ISF leh IWF-te hian B.G line in a nghawngte hnena zángnadawmna pek vat phutin lungawi lohna hi lantir an tum a ni.

District Magistrate, Dima Hasao, Halflong, Amitabh Rajkhowa chuan pawl ṭhenkhatin lungawi lohna lantirin rel kawng te dan an tum nia thu a dawn thu sawiin, hei hian rel passenger-te buaina a thlen nasa dawn hle nia a lan thu a sawi.