Ni 15 chhung police custody-ah Samarjit awm dawn

Manipur-a special national investigation agency (NIA) court chuan ‘independent Manipur government in exile'-a external defence minister Narengbam Samarjit chu police custody-a ni 15 awm turin Thawhṭanni khan a thawn.

Court chuan Sarmarjit-a'n bail-a chhuah a dilna chu April 17-a ngaihtuah turin a ti bawk.

Narengbvam Samarjit leh a thurualpui Yambem Biren-te chuan nikum khan India lak aṭanga Manipur indenpendence hi puangin, London-ah Manipur government in exile hi an din a ni. Hemi hnu hian NIA chuan Samarjit leh Biren-te bakah midang pathumte lakah Unlawful Activities (Prevention) Act, 1967-a section 13 leh 17 bakah Indian Penal Code-a section 120B leh 420 hnuaiah thubuai an siamsak a ni. An thubuai siamsakah hian NIA chuan Samarjit hi Salai Group of Companies leh SMART Society chairman a ni tih tarlangin, a thawhpui Elangbam Brojendro Singh leh Akoijam Deepa Anand-te nen mipuite chu a pung tak tak tiamin pawisa deposit tirin an bum ṭhin tih an sawi.

March 25 khan Sarmarjit hi New Delhi-ah man a ni a, March 29 khan Imphal-ah hruai a ni.