Charitable Trust-in Manipur-a loneitu 300 te hnenah ram pe

Moirangthem Ibo­tombi Memorial Chari­table Trust (MIMCT) chuan Imphal-a Heirok-ah Land Bank hmasa ber hawngin, ram nei lo loneitu mi 300 hnenah ram an pe.

MIMCT hi kum 1995, December 7 khan Manipur chief minister hlui, Rishang Keishing-a'n a din a ni. He trust hi kum 1994-a helten rawng taka an tihhlum, minister hlui Moirangthem Ibotombi hriatrengna atana din a ni.

Trust-in Land Bank a siam hmasa ber hi minister hlui Moi­rangthem Okendro chuan a hawng a, he trust hian din a nih aṭangin Heirok constituency huam chhunga mi rethei leh harsa zawkte chhawmdawl hna a thawh thu leh, mi 1682 hnenah pensioner pein, cancer vei dam lo 250 chuang a chhawmdawl thu a sawi.