Sikkim-in khuahkhirhna siam thar leh

Sikkim sorkar chuan Covid-19 hri leng a hluar chhoh leh avangin Thawhṭanni khan khuah­khirhna thar a siam leh.

State sorkarin hri leng laka invenna tura khuah­khirhna a siam tharah hian dawrte chu kartawp, weekend-ah khar vek tura tih an ni a, he thupek hi April 30 thleng hman a ni ang. Dawr khar tura tih hian buhfai zawrhna leh damdawi dawrte a huam lo thung.

April 17 aṭangin van­­­­­­tlang inkhawm leh sakhaw thila pun­khawm­­­na buatsaihah mi 50 aia tam awmkhawm khap a ni dawn bawk a, pun­khawmna buatsaih tur pawn District Collector hnenah phalna an lak hmasak zel a ngai ang.