Nagaland CM-in RCC T-beam bridge a hawng

Nagaland chief minister Neiphiu Rio chuan Thawhlehni khan Purana Bazar leh Super Marker inkara Dhansiri lui-a RCC T-beam bridge dawh a hawng.

Chief Minister chuan lei dawh thar hian Dimapur economy tana a ṭangkai a beisei thu leh, traffic tawt a tihziaawm phah tur thu a sawi. Road connectivity project-te a hun taka zo fel thei tura thawktu, urban development department, engineering wing leh contractor-te a lawmpui thu a sawi bawk. He lei dawh hna thawk nan hian kum 11 zet hun hman a ni a, heta ṭang hian a hna hautak zia a hriat a, hlawhtling taka an zo fel thei chu a lawmawm tak zet tih CM chuan a sawi.

Mitinte hnenah Kristian sakhua zirtirna te vawng nung tura chahin, mi ram neihsak ṭhinte bansan turin a ngen. Agri Exop leh airport-a sorkar ram an neihte chu state sorkar chuan dan ang takin laklet tumin a bei dawn tih a sawi bawk.