BPF-in candidate-te thukru ve leh

Assam assembly inthlan result chu May 2 hian puan a ni dawn a, inthlan result puan hmain rorellai BJP leh an thawhpui party dangten an candidate-te thlem a, an lei sak venthawn thilah eptu party-te chuan state pawn lamah an candidate-te an thukru.

Bodoland People's Front (BPF) chuan an candidate ṭhenkhat chu state pawn lama hotel pakhatah an dah a, mahse an dahna hmun erawh an puangzar lo.

BPF hian Bodoland Territorial Region (BTR) huam chhunga district pali-a an party candidate 10-te chu state pawn lamah hruai chhuakin, BTC executive member-ten an kalpui niin The Sentinel chuan a tarlang.

Congress kaihhruai eptu ṭangrual pawl, Mahajoot chuan BJP-in an candidate-te sum hmanga an thlem an hlauhthawn thu sawiin, an candidate ṭhenkhat chu Jaipur hotel-ah an dah a, he hmunah hian inthlan result puan a nih hma chu dah an tum. Candidate-te an hman tur mobile phone hran pawh pek vek niin, party dangten an biak pawh theih loh tura dah an ni.