Assam chanchinbu ten sorkar news boycott

North East Newspaper Asso­ciation chuan Assam sorkar news ni thum chhung atana chhuahsak lo turin thutlukna a siam.

Assam sorkar hian chan­chinbute a ngaih­pawimawh loh vang leh chanchinbu-a advertise­ment an chhuah mante an pek loh avangin chanchinbu neitute hi an lungawi lo a, hei vang hian ni thum chhung, March 10 aṭanga 12 thleng sorkar news bakah sorkar kaihhnawih thlalakte chu an boycott a ni.

Assam chanchinbute hian sorkar aṭanga an advertisement hmuh te bill an hmuh ṭhat loh avangin sum lamah har­satna an tawk tih tarlan a ni. Association chuan 2014 aṭang kha advertisement rate-te hi ennawn a la ni leh lo tih an sawi bawk.

Nimin, vawiin leh nak­tuk hian Assam tual­chhung chanchinbute chuan sorkar news, thlalak leh advertisement-te an chhuah dawn lo a, hei hi Assam sorkar in Assam-a chanchinbute an ngaihsak loh avanga duh lohna lantirna a nih thu association chuan an sawi.