Assam CM-in micro-containment zone siam turin DC-te hriattir

Assam chief minister Sarbananda Sonowal chuan state chhunga Covid-19 hri leng a hluar chhoh leh tak avangin test tam zawk neih a ṭul thu leh, micro-containment zone te siam a pawimawh thu a sawi.

Deputy commissioner, joint director of health leh official dangte nena video conference an neihah, CM Sonowal chuan DC-te chu micro-containment zone siam ngaih pawimawh a ṭul thu a hrilh a ni.

"Ram chhungah hri leng thawh hnihna thleng avangin hmun tam takah hri kai an pung leh nasa hle a, mahse Assam-ah chuan state ṭhenkhata harsatna thleng ang chu a la awm ve lo a ni," a ti. Hemi rual hian DC-te chuan an district ṭheuhah hri kai pung zel tur venna kawnga theihtawp chhuah turin a hrilh.

Sonowal chuan DC-te hnenah hian test neihna hmun pawh siam belh a, a tam thei ang ber test nei tur leh, contact tracing pawh chak taka kalpui turin a ti a ni.

Micro containment zone siam chuan tual­chhunga hri darh tur venna kawngah a pui thei dawn tih CM chuan a sawi a, mipui punkhawm tamna hmun rel station, airprot leh hmun dangahte testing facility siam a ṭul tih a sawi.