Meghalaya zirtirtute hnenah Covid-19 vaccine pek vek phut

Meghalaya-a education institution hotute chuan state chhungah school zirtirtu zawng zawngte chu Covid-19 vaccine pe vek turin an ngen a, an ngenna hi Health Department-ah an thehluh a ni.

Nilaini khan Shillong-ah school leh college hotute leh Education department official-ten meeting an nei a, state chhunga hri leng dinhmunte an sawiho a ni.

Education minister Lahkmen Rymbui chuan meeting-ah hian zirna in hrang hrang hotute chuan zirtirtute vaccine pek vek an duh thu hian sawi tih tarlangin, hei hi state sorkar pawhin sorkar laipui hnenah thlen a tum thu a sawi bawk.

Meghalaya-ah hian zirtirtu 75,000 chuang an awm thu minister chuan a sawi.