Nagaland: Hruaitu hlui 21 Congress-ah kir leh

Nagaland Congress hruaitu ṭhin, party chhuahsan ta mi 21-te chuan BJP-NDPP sorkar paihthlak tumin Congress an zawm leh.

Congress hruaitu hlun leh chief minister pawh vawi nga lai lo ni tawh SC Jamir chuan an party-a lo let lehte chu a lo lawm thu sawiin, Congress chu an nghet lehzual sawt tih a sawi.

Congress-a let leh zingah hian Nagaland Pradesh Congress Co­mmi­ttee (NPCC) presi­dent hlui S I Jamir, speaker hlui Z Lohe leh deputy speaker hlui Joshua Sumi-te pawh an tel a ni.

Jamir chuan Congress chu hmatlir eng tak leh ngaihdan nei ṭha tak an nih thu sawiin tihchhiat mai mai theih an nih loh thu a sawi. Congress worker-te chu party prog­ram hrang hranga ṭha taka tel tura sawmin Congress worker-te chuan thudik sawi turin huaisenna an nei tur a ni, a ti.

NPCC president K Therie chuan hruaitu pawi­mawh eng emaw zat Congess zawm tur an la awm tih a sawi a ni.