Manipur: hmeichhe naupang rukbo pali chhanchhuak

Manipur Social activist-te chuan hmeichhe naupang pali, kum nga hnuailam vek, Myammar rama rukbo chu an chhanchhuak tih Pathianni khan an sawi.

Social organisation Meitei State Committee President M. Thoiba leh Myanmar leh Manipur inrinaa awm social activist-te chuan nu leh pate chu an fate veng fimkhur tura chahin mihring hmanga sumdawnna a hluar sawt hle tih an sawi a ni.

Police leh activist-te chuan hmeichhe naupangte hi an bo hnuah uluk taka an zawn thu sawiin Inrinni khan Moreh-a an chenna in bula an infiam lai rukbo an ni tih an sawi. Myamar ramri-a Namphalong-ah mi pakhat nen an hmuh thu an dawn bawhzuiin an zawng nghal a, an va nangching ta tih an sawi.

Police-te chuan a rubo tu chu Chennai mi Shiva a nih thu an sawi bawk a ni.

Manipur-ah hian mihring hmanga sumdawnna hi a hluar hle a, tunhnai lawk­ah pawh khan Nepale hmei­chhe tam tak rukbo chu chhan­­chhuah an ni tawh bawk.