AP CM-in Bollywood movie Bhediya channa hmun tlawh

Arunachal Pradesh chief minister Pema Khandu chuan an state-a Hindi movie, Bhediya an channa hmun, Ziro chu Ningani khan a tlawh.

Bhediya film hi comedy horror tur niin nakkum April thlaa tlangzarh tum a ni a, director Amar Kaushik leh producer Dinesh Vijan-te niin, he film-a changtute hi Bollywood star lar Varun Dhawan leh Kriti Sanon-te an ni.

Thla hnih chhung chu Arunachal Pradesh state hmun hrang hrangah shooting hi neih a ni a, he film-a chang ve zinga 70% chuang chu Arunachal Pradesh state mi an ni. Chief minister Khandu chuan a lo phur puiin a thlawp ṭha hle a, film channa hmun atana an state an thlan avanga a lawm thu pawh hrilhin, tualchhung miten an talent ṭha taka an phochhuak thei chu lawmawm a tih thu a sawi bawk.