Assam-in Covid-19 vaccine dose nuai 2 dawng

Assam-ah Covid-19 hri kai an pun chhoh zel leh, vaccine lam indaih lohna an tawh hnuah Ningani kan sorkar laipui aṭangin Covishield dose nuai hnih an dawng tih health official chuan a sawi.

State sorkar chuan vaccine indaihlohna an tawh chhoh avangin sorkar laipui hnenah emergency-a vaccine dose nuai 19 ( Covidshield dose nuai 18 leh Covaxin dose nuai khat) thawn turin a ngen a ni.

Health official chuan Ningani khan vaccine dose nuai hnih an dawn thu sawiin, a dang pawh thawn belh thuai an ni dawn tih an hrilh a, mahse an thawn hun tur erawh hriatchian a la ni lo tih a sawi.

Assam-ah hri kai hi an pung chak leh ṭan hle a, April 1-a positivity rate 0.47% chu Ningani, April 14 khan 2.72% ah a kai tawh a ni. Ningani khan hri kai thar hi 499 awmin, heng zinga 255 chu Guwahati khawpuia mi an ni. Guwahati khawpui bikah hian positivity rate chu 5.5% a tling tawh a ni.