Assam-in hri dona kawnga thawktute Rs nuai 50 insurance tih sak dawn

Assam sorkar chuan hri leng dona kawng hnathawktu, a hma tawngte - police,  damdawi lam hnathawkte leh sorkar hnathawk ṭhenkhate chu cheng nuai 50 insurance coverage a tih sak dawn tih chief minister Sarbananda Sonowal chuan a sawi. 

Prime minister Narendra Modi chuan healthcare worker-te tan insurance tih sak an ni dawn tih hi a lo puang tawh a, mahse Assam sorkar chuan anni bakah police leh sorkarin a bika a chhawr hnathawktu dangte a huam tel tir dawn a ni. 

Assam-ah hian lockdown puan a nih hnuah dan bawhchhia mi 1,047-te man ni tawhin, thubuai 446 ziahluh a ni tawh. Motor 4,293 man sak an ni tawh bawk a, dan bawhchhiate sum chawi tir aṭangin Rs 15,53,900  hmuh a ni tawh bawk.