Sikkim BJP hruaitu hlun 3-in party chhuahsan

Sikkim-a BJP hruaitu hlun pathum chuan Ninga­ni khan BJP leh Sikkim Krantikari Morcha (SKM) thawhdunna tur an duh loh avangin party an chhuahsan.

BJP chhuahsantute hi BJP thupuangtu J.B. Dar­nal, vice president (east) Madan Karki leh ge­ne­ral secretary (east) D.R. Khatiwada-te an ni. Press Club of Sikkim-a press meet neihnaah Darnal chuan BJP leh SKM thawhdunna tur chu State unit-ah sawiho a nih loh thu an sawi.

Eiruk awm lo ram an duh avangin BJP an zawm thu sawiin SKM-BJP thawh­dunnaah chuan an lawm lo hle tih a sawi. BJP chuan SKM party hruaitu, eiruk thubuai vanga tang mek leh thiam loh chantir mekte chu an thawhpui tih sawiin eiruk awm lo India tih lam an rilruah a awm tawh lo tih a sawi a ni.

Tun dinhmunah chuan party dang zawm mai an tum rih lo tih a sawi bawk.