Manipur sorkarin zan curfew puang

Manipur sorkar chuan an state-a Covid-19 hri kai an pun belh zel avangin hri darh tur venna kawng khat atan zan curfew a puang.

Zan dar 8 aṭanga a tuk zing dar 4 thleng curfew hi puan a ni a, tun thla chhung a huam ang.

Chief secretary Dr Rajesh Kumar chuan thupek hi tichhuakin, tun hnaiah an state-a hri kai an pun chak leh avangin zan curfew hi puan a nih thu a sawi a, mahse essential service erawh a huam lo thung.

State sorkar hian a hmain motor leh thlawhtheihna hmanga an state-a lutte chu Covid-19 negative report nei vek turin a lo ti tawh bawk. Army leh Central Armed Police Force unit-te pawh an mi leh sa, state pawn aṭanga lutte test-na tur ruahman turin an ti bawk.

Hri leng laka invenna sorkarin kaihhruaina a siamte chu khauh taka kenkawh niin, pawn chhuahnaa hmai tuamna vuah lote chu police-ten an vai reng bawk. Hei bakah hian khawtlaia chil chhakte pawh sum chawi tir zel an ni bawk a ni.