Meghalaya CM leh MDC 15-ten Governor hmu

19th April, 2021

Meghalaya chief minister leh National People's Party (NPP) hotu Conrad K Sanmga hoin GHADC (Garo Hills Autonomous District Council)-a MDC (Members of District Councils) 15-te chuan Inrinni khan Governor Satya Pal Malik chu Raj Bhavan,Shillong-ah an hmu a, GHADC-a sorkarna an siam theih thu an sawi.

GHADC inthlan neih zawh takah hian Congress chu party mala seat la hnem ber niin, seat 29 awmah seat 12 a la a ni. Mahse party mala sorkarna siam thei an awm lo thung.

CM hoa Governor hmutute hi NPP MDC 11, Independent 3 leh Garo Naitonal Council (GNC) MDC pakhat an ni. NPP kaihhruaiin ṭangrual sorkar siam an tum a ni.

Sangma chuan council-a sorkar thar an siam turah hian executive chairman-ah Rakesh A Sangma, chief executive member-ah Benedict Mawrak leh deputy CEM-ah Nikman Marak rawt a ni tih a sawi a, vawiinah Chairman hi thlan a ni ang.