Tripura sorkarin physical class titawp

Tripura sorkar chuan Covid-19 hri lengin zual lam a pan zel avangin state chhunga zirna in, school, college, university leh educational institution dangte pawh kar liam ta Inrinni aṭang khan kharin, physical class a titawp.

Education minister Ratan lal Nath chuan Tripura Board of Secon­dary Education hnuaia secondary leh higher secondary exa­mi­nation neih tur chungchang chu an state dinhmun a zirin thutlukna an la siam dawn tih a sawi. Secondary examination hi May 19 aṭanga neih ṭan tura ruahman niin, higher seconadary exam hi May 18 aṭanga ṭan tura ruahman a ni. Nath chuan, "Hri lengin ziaawm lam a pan chhoh chuan exam hi ruahman lawk ang hian kalpui theih a ni dawn a, mahse state dinhmun azirin thutlukna hi siam ala ni ang," a ti.